კონსერვაციისა და რესტავრაციის სამეცნიერო ლაბორატორია (განყოფილება)
1958 წელს ხელნაწერთა ინსტიტუტის დაარსებასთან ერთად ფუნქციონირებას იწყებს ჰიგიენისა და რესტავრაციის განყოფილება, რომელიც 2006 წელს რესტავრაცია-კონსერვაციის ლაბორატორიად ჩამოყალიბდა, ხოლო 2015 წელს ლაბორატორიას სამეცნიერო სტატუსი მიენიჭა და დღეს ფუნქციონირებას განაგრძობს, როგორც კონსერვაცია-რესტავრაციის სამეცნიერო ლაბორატორია.
კონსერვაცია-რესტავრაციის სამეცნიერო ლაბორატორიაში ხორციელდება შემდეგი ძირითადი სამუშაოები:
- ქაღალდისა და ეტრატის ხელნაწერების, ძველნაბეჭდი წიგნების, ისტორიული დოკუმენტების, საარქივო მასალის, ცენტრის ბიბლიოთეკის კუთვნილი წიგნებისა და კერძო კოლექციებში დაცული მასალების რესტავრაცია და კონსერვაცია.
- ეტრატზე შესრულებული ხელნაწერებისა და ისტორიული დოკუმენტების დარბილება, გასწორება და კონსერვაცია-რესტავრაცია.
- მინიატურული და დაზგური ფერწერის კონსერვაცია-რესტავრაცია.
- დაძველებული და დესტრუქციული ფურცლის კონსერვაცია (გამაგრება).
- გაქვავებული და ერთიმეორესთან შეწეპებული ფურცლების განცალკევება.
- დეფორმირებული ფურცლის გასწორება და რესტავრაცია.
- ნაკლული ადგილების შევსება.
- დაშლილი ხელნაწერების აკინძვა, ორიგინალური ტვიფრული, მოჭედილი და ტყავის ყდის კონსერვაცია-რესტავრაცია და ყდებში გამოყენებული ორიგინალური ხის დაფების კონსერვაცია.
- ახალი ყდების დამზადება.
- ყდებზე კეთდება სხვადასხვა ფორმის ორიგინალური საკეტები.
- ცენტრის ფონდებში დაცული ან ახლად შემოსული მასალის დეზინფექცია და გაწმენდა.
კონსერვაცია-რესტავრაციის ლაბორატორიაში მიმდინარეობს სხვადასხვა სახის სამეცნიერო კვლევები და ხორციელდება სარესტავრაციო და საგანმანათლებლო ხასიათის პროექტები.
თანამშრომლები:
| განყოფილების უფროსი | კლდიაშვილი რევაზი |
| მეცნიერ-თანამშრომელი | გვაზავა ასმათ |
| მეცნიერ-თანამშრომელი | ცერცვაძე სოფიო |
| მეცნიერ-თანამშრომელი | გოცირიძე ლელა |
| მეცნიერ-თანამშრომელი | დვალიშვილი თამარი |
| მთავარი სპეციალისტი | კოპალეიშვილი ნანა |
| მთავარი სპეციალისტი | ჯიქიძე იზოლდა |
| უფროსი სპეციალისტი | სვიმონიშვილი ლუიზა |
| უფროსი სპეციალისტი | ბასილაძე ინგა |
| უფროსი სპეციალისტი | თავაძე შორენა |