ბერძნულ ხელნაწერებს შორის განსაკუთრებით აღსანიშნავია კორიდეთის ოთხთავი (Gr 28), რომელშიც დაცულია სახარების უძველესი ბერძნული ვერსია (IX ს.), ასევე, ბასილი დიდის თხზულებათა კრებული, რომელიც თარიღდება XI -ით.
X ს-ის ქართულ საგალობელთა კრებულში, ჭილ-ეტრატის იადგარში, შემონახულია პალიმფსესტური ფურცლები, რომელთა ქვედა ფენა ინახავს პავლეს ეპისტოლეთა ბერძნული ტექსტის ფრაგმენტებს (V ს.).

გერმანული ხელნაწერები, ძირითადად, სასულიერო შინაარსის ტექსტებია - ლოცვანი, სხვადასხვა ავტორთა ქადაგებების კრებული; ასევე, კრებული, რომელიც შესრულებულია გოთური შრიფტით და თარიღდება 1556 წ-ით.

დიდი რაოდენობით არის წარმოდგენილი ქართველ და რუს მეფეთა მიმოწერის რუსულენოვანი ნიმუშები, ასევე, სასულიერო ხასიათის ტექსტები - ლოცვანი (Ros. 740, XVI ს), XVIII ს-ით დათარიღებული ფსალმუნთა წიგნი და წმ. მამათა ეპისტოლეები.