პირველნაბეჭდი ქართული წიგნის კოლექცია ცალკეა გამოყოფილი, რომელიც 305 ერთეულს შეადგენს. ამ კოლექციის მნიშვნელოვანი ექპონატებია - ქართული-იტალიური ლექსიკონი, რომი, 1629,  (Rar. 52/2); ქართული ანბანი ლოცვებითურთ, რომი,1629 (Rar. 27/1^ა), რომელიც დაიბეჭდა „რომის კათოლიკური სარწმუნოების გამავრცელებელი საზოგადოების სტამბაში - პოლიგლოტა“-ში. ორივე გამოცემის თავფურცელზე იტალიელ გამომცემელ სტეფანე პაოლინის გვერდით იხსნიება ნიკიფორე ირბახი, თეიმურაზ I-ის ელჩი იგივე ჩოლოყაშვილი.

1709 წელს ვახტანგ VI -ის  მიერ დაარსებულმა სტამბამ, რომელმაც 1722 წლამდე იარსება დასტამბა 11 დასახელების წიგნი. ხელნაწერთა ეროვნული ცენტრის რარიტეტულ კაბინეტში დაცულია ამ სტამბის მიერ დაბეჭდილი რვა დასახელების წიგნი: 1. სახარება, 1709, (Rar. 9/2 2); 2. ვეფხისტყაოსანი [შოთა რუსთაველი] 3. სამოციქულო (4/3) 4. ლოცვანი 1710 (15/1^ა) და ა.შ.