კორნელი კეკელიძის სახელობის საქართველოს ხელნაწერთა ეროვნული ცენტრის საქმიანობის ანგარიში
Posted at h
in სიახლეები
საქართველოს პარლამენტის განათლებისა და მეცნიერების კომიტეტის სხდომაზე კორნელი კეკელიძის სახელობის საქართველოს ხელნაწერთა ეროვნული ცენტრის საქმიანობის ანგარიში მოისმინეს.
ცენტრის დირექტორმა ზაზა აბაშიძემ ისაუბრა ცენტრის მისიასა და მიზნებზე, 2022-2023 წელს გაწეულ სამუშაოებზე, ასევე სამომავლო გეგმებზე და გამოწვევებზე; ზაზა აბაშიძემ სხდომის მონაწილეებს გააცნო ცენტრის სამეცნიერო საქმიანობა, საგანმანათლებლო-საგამოფენო პროექტები, რესტავრაცია-კონსერვაციისა და დიგიტალიზაციის მიმართულებით განხორციელებული სამუშაოები; საუბარი შეეხო ფონდების, ფონდსაცავების და ცენტრის შენობის, მისი ინფრასტრუქტურის განვითარების საკითხებს; აღინიშნა, რომ ცენტრი აქტიურია საერთაშორისო ურთიერთობის მიმართულებითაც, რაც ურთიერთთანამშრომლობის მემორანდუმების გაფორმებასა და საერთაშორისო ღონისძიებების ორგანიზება-მონაწილეობას უკავშირდება.
კომიტეტის წევრებმა სრული მხარდაჭერა გამოხატეს ხელნაწერთა ეროვნული ცენტრის მიმართ, დადებითად შეაფასეს მისი საქმიანობა და ხაზი გაუსვეს მეცნიერების განვითარებაში მის მნიშვნელობას.
