კრებული შეიცავს ერმიტაჟის მთავარი მეცნიერ- თანამშრომლის, იური პიატნიცკის რამდენიმე წერილს საქართველოდან საზღვარგარეთ სხვადასხვა
დროს გატანილ ქართულ სიძველეებზე, რომელთა ნაწილი დაცულია ერმიტაჟში ხოლო ზოგიერთის ადგილმდებარეობა უცნობია. ქართული
სიძველეებისადმი საზოგადოების დიდი ინტერესის გათვალისწინებით, საჭიროდ მივიჩნიეთ, იური პიატნიცკის მიერ სხვადასხვა პერიოდულ გამოცემაში
გამოქვეყნებული სტატიები ქართულ სიძველეებზე გვეთარგმნა ქართულ ენაზე, ერთ კრებულში გაგვეერთიანებინა და ასე მიგვეწოდებინა ქართველი მკითხველისთვის. საინტერესოდ, საქმის ღრმა ცოდნით, ქართული კულტურისადმი დიდი პატივისცემით დაწერილი ეს ნარკვევები საინტერესო იქნება ქართველი მკითხველისთვის, განსაკუთრებით, ხელოვნებათმცოდნეებისა და ხელნაწერთმცოდნეებისთვის.