სერიით ,,ქართული ნათარგმნი ჰომილეტიკური ძეგლები’’ პირველად ქვეყნდება VIIVIII საუკუნეების დიდი საეკლესიო მამისა და ღვთისმეტყველის , წმიდა იოანე და მასკელის ღვთისმშობლისადმი მიძღვნილი ჰომილიების ბერძნული ენიდან შესრულებული ძველი ქართული თარგმანები. ჰომილიები წარმოთქმულია ღვთისმშობლის შობისა და გარდაცვალების საეკლესიო დღესასწაულებზე. ღვთისმშობლის შობისადმი მიძღვნილი ჰომილიები წინამდებარე კრებულში შევიდა ორი დიდი საეკლესიო მამისა და ღვთისმეტყველის , წმ. ეფთვიმე ათონელისა და თეოფილე ხუცესმონაზონის მიერ თარგმნილი ტექსტებით ,ხოლო გარდაცვალების ჰომილიები – წინაათონური ანონიმი მთარგმნელისა და ელინოფილური მიმდინარეობის ფუძემდებლის , ეფრემ მცირის თარ გმანების სახით. კიდევ ერთი ჰომილია – ღვთისმშობლის ქება და შესხმა – სავარაუდოდ , მხოლოდ ქართული თარგმანით არის შემონახული და , ამდენად , ძალიან ღირებულ ტექსტს წარმოადგენს არა მხოლოდ ძველი ქართული მწერლობის თვალსაზრისით , არამედ ბიზანტიური სასულიერო მწერლობის კვლევის კუთხითაც.