თანამედროვე მსოფლიოს სამეცნიერო- საენციკლოპედიო ლიტერატურაში ფართოდ არის წარმოდგენილი თითქმის ყველა რელიგია – იუდაიზმი, ბუდიზმი, ინდუიზმი, ისლამი. იგივე ითქმის ქრისტიანობაზე – გამოცემულია საენციკლოპედიო და სამეცნიერო-საცნობარო ხასიათის ასობით წიგნი, რომლებშიც ასახულია თანამედროვე ქრისტიანული სამყაროს პრაქტიკულად ყველა მიმდინარეობის ისტორია. სამწუხაროდ, ქართველი მკითხველი ასეთი ხასიათის ლიტერატურის ნაკლებობას განიცდის. არსებული ხარვეზის გამოსწორების გზაზე ერთ-ერთ მნიშვნელოვან ნაბიჯად გვესახება ენციკლოპედიის გამოცემა, რომლის პირველი ტომი 2015 წელს გამოქვეყნდა. ამჯერად კი მეორე ტომი შევთავაზეთ მკითხველს.