რუსუდან გვარამიას სახელობის სემინარი

29 ოქტომბერს ხელნაწერთა ეროვნულ ცენტრში ჩატარდა რუსუდან გვარამიას სემინარის პირველი სხდომა. ღონისძიების ფარგლებში გაიმართა პროფესორ ვალერიან გაბაშვილის თხზულებათა სამტომეულის წარდგენა. რუსუდან გვარამია (1930-2012) ქრისტიანული არაბული ლიტერატურის აღიარებული მკვლევარი, ქართული სასულიერო მწერლობის ძეგლების ცნობილი პუბლიკატორი, არაბულ ხელნაწერთა აღმწერი, „აკადემიური ორიენტალიზმის“ გამორჩეული წარმომადგენელია. ხელნაწერთა ეროვნულ ცენტრში დაცული 1500-მდე არაბული ხელნაწერის კოდიკოლოგიური კვლევა და კატალოგების შედგენა მის სახელთანაა დაკავშირებული.

https://www.facebook.com/pg/Manuscript.ge/photos/?tab=album&album_id=2680930575296657